CHEER UP YOUR LIFE 😘

 CHEER UP YOUR LIFE...

     હજારો પ્રેક્ષકો વચ્ચે અગિયાર વિરોધીઓ સામે અનેક ચાહકોને ખુશ કરવા અને તેમના હૃદયમાં સ્થાન અંકિત કરવા માટે બેટ્સમેન જ્યારે પોતાનું બેટ જે મોહક અદાથી ફટકારે છે અને બોલને મેદાનની બહાર ફેંકી છગ્ગો મારે છે ત્યારે હજારો પ્રેક્ષકોની ચિચિયારી, આનંદ અને તેમની ખુશીઓ બેટ્સમેન ને ચિયર કરે છે. આ દરેક ક્ષણ બેટ્સમેનને આવનાર સમયમાં આવી જ રીતે અથવા આથી પણ સારી રીતે પ્રદર્શન કરવા માટે મોટીવેશન પૂરું પાડે છે.

   આપણા જીવનનું પણ કંઇક આવું જ છે. તફાવત માત્ર એટલો જ છે કે બેટ્સમેન લોકોની ચિચિયારી, ઉત્સાહ અને મોટીવેશન સાથે આગળ વધે છે જ્યારે માણસ પોતે જ પોતાની જાત સાથે આગળ વધે છે. આપણા જીવનનો શ્રેષ્ઠ મિત્ર પોતાની જાત સિવાય કોઈ નથી. 

      આપણા જીવનમાં આવતાં ખરાબ સમયમાંથી જાતે પસાર થઈને ખુદને એક નવી ઓળખ આપવી એ પોતાનામાં એક સૌથી મોટી સિદ્ધિ છે. જીવનમાં તમામ મુશ્કેલીઓ ક્રિકેટ બોલ સમાન છે. આપણી હિંમત, સાહસ અને સામનો કરવાની કળા આપણું બેટ છે.

  ઇ.સ. 2007 ની આઈ.સી.સી. વર્લ્ડ 20-20 ટુર્નામેન્ટ કદાચ દરેક ક્રિકેટ ચાહકોને યાદ જ હશે. ભારતીય ક્રિકેટર યુવરાજ સિંહના એ રેકોર્ડથી આજ સમગ્ર વિશ્વ તેમને ઓળખે છે. ઇંગ્લેન્ડના બોલર સ્ટુઅર્ડ બ્રોડની ઓવરમાં 6 બોલ પર 6 છગ્ગા લગાવીને વિશ્વ રેકોર્ડ સર્જનાર યુવરાજ સિંહ આજે કરોડો લોકોના હૃદયમાં રાજ કરે છે. આ દરેક બોલ તેમના માટે એક પડકાર હતા, આ દરેક પડકાર ઝીલીને તેઓએ વિશ્વમાં ખ્યાતિ મેળવી છે.

પોતાને જ જાગૃત કરી એક નવી ઊર્જા ભરવી એ પણ ચિયર અપ જ છે.  વાહ, મજા આવી ગઈ આવું વાક્ય જ્યારે આપણા મુખમાંથી નીકળે છે ત્યારે ચહેરા પર અનેરો આનંદ હોય છે. એક અલગ જ પ્રકારની લાગણી હોય છે. આ લાગણી પણ એક પ્રકારનું ચિયર અપ જ છે. જીવનના દરેક તબક્કે મનમાં વિચારોની આવક  ચાલુ જ રહે છે, પણ આ તમામ વિચારો હકારાત્મક જ હોય તેવું જરૂરી નથી. આપણે જાતે જ આવા વિચારોને હકારાત્મક બનાવવા પડશે. I CAN'T ને બદલે I CAN નો અભિગમ અપનાવવાથી પોતાની જાતને એક પ્રોત્સાહન મળે છે.

   

     દિવ્યાંગ લોકો જો પોતાનામાં ખામી છે એમ વિચારવા લાગશે તો પેરા ઓલિમ્પિકમાં કે કોઈ પણ દિવ્યંગોની સ્પર્ધામાં વિજેતા નહિ મળે. જો તે લોકો પોતાની કળા, હિંમત અને આત્મવિશ્વાસથી ઘણું મેળવી શકતાં હોય અને સ્પર્ધાઓમાં વિજેતા પણ બની શકતાં હોય તો આપણે કેમ નહીં? જીવનનાં રંગમંચ પર ઘણાં નાટકો કરવાના છે. દરેક નાટકમાં જીવનના અલગ અલગ પ્રશ્નોના ઉકેલ આપણે જાતે જ શોધવાના છે.   

    દરેક મુશ્કેલીઓને માત આપી એક વાર પોતાના ખભે હાથ મૂકીને શાબાશી આપી એટલું કહો. "વાહ દોસ્ત, વેલ ડન. આવતી વખતે પણ આ જ રીતે પરફોર્મન્સ આપજે." પછી પરિણામ તમે જાતે જ અનુભવશો. 

SELF MOTIVATION IS EQUAL TO 1000 MOTIVATIONAL SEMINARS.

    આપણા જીવનની એ મુસીબતોને આપણે ફટકારવાની છે. તેનાથી જે સારું પરિણામ મળે તે આગળના પડકાર માટે ચિયર અપ છે. લાઈફને જેમ તેમ કાઢવા કરતાં ચિયર અપ કરીને જીવવામાં ખૂબ મજા છે.

"HOW TO LIVE" IS NOT A QUESTION.

BUT...

CHEAR UP YOUR LIFE IS THE ANSWER."

🌹✍KISHAN DAVDA

📚📚📚📚📚📚📚📚

સર્જક:- ✍ કિશન દાવડા 💐